Токио-2020: Шоҳсанамхон Тошпўлатова финалга йўл олди

Бугун, 30 август куни Токио Паралимпиадасининг S13 классида 200 метр масофага индивидуал комплекс усулида сузиш бўйича саралаш баҳслари якунланди.

Аёллар ўртасидаги баҳсларда икки нафар ўзбекистонлик спортчи – Шоҳсанамхон Тошпўлатова ҳамда Нигорахон Мирзоҳидова иштирок этди. Тошпўлатова 2:30,42 дақиқа кўрсаткични қайд этиб, маррага биринчи бўлиб етиб келган бўлса, Мирзоҳидова 2:40,44 дақиқа натижа билан 5-ўринда келди. 

Шоҳсанам Тошпўлатова финалга йўл олди. Аёллар ўртасида S13 классида 200 метр масофага индивидуал комплекс усулида сузиш бўйича финал баҳси бугун, 30 август куни Тошкент вақти билан соат 15:42 да бошланади.

Шунингдек, эркаклар ўртасида Фирдавсбек Мусабеков 2:18,78 дақиқа натижа кўрсатиб, маррага 5-бўлиб етиб келди ва саралашдан ўта олмади.

Эслатиб ўтамиз, Ўзбекистон делегациясига илк медални сузувчи Ислам Асланов келтирган эди. У 100 метрга баттерфлай усулида сузиш бўйича бронза медалини қўлга киритган.