Тбилисида Саакашвили тарафдорлари митинг ўтказди (фоторепортаж)

Кеча, 9 апрель куни Грузиянинг “Бирлашган миллий ҳаракат” мухолифат партияси тарафдорлари ушбу сиёсий куч асосчиси, собиқ президент ҳибсда сақланаётган Михаил Саакашвилини қўллаб-қувватлаш мақсадида Тбилиси марказида митинг ўтказди. Бу ҳақда “Deutsche Welle” нашри хабар берди.

“Euronews” телеканали митинг иштирокчилари сонини бир неча минг киши деб ҳисоблаган. Грузиянинг собиқ президенти тарафдорлари митингга кўп сонли Грузия ва Украина байроқлари, шунингдек, Европа Иттифоқи байроқларини олиб келишган.

Бирлашган Миллатлар Ташкилоти раиси Леван Хабеишвили партия номидан расмийларга бир қанча талаблар қўйган. Булар Саакашвили ва унинг бир қанча шерикларини қамоқдан озод қилиш, деолигархизация тўғрисидаги қонунни қабул қилиш, суд тизими ва Марказий сайлов комиссиясини ислоҳ қилишдан иборат. 

Айнан мана шу ислоҳотлар Бельгия Грузиянинг Европа Иттифоқига кириши бўйича музокараларни давом эттиришни талаб қилмоқда.

Маълумот учун, Саакашвили 2004-2013 йилларда кетма-кет икки муддат Грузия Президенти бўлган. Кейинчалик у Украинада ҳам турли лавозимларда ишлаган. Аммо Украинанинг собиқ президенти Пётр Порошенко билан муносабатлари бузилиши натижасида унга берилган украин паспорти бекор қилинган. Владимир Зеленский президентликка сайлангач, Саакашвилига Украина фуқаролиги қайтариб берилди. 2021 йилнинг сентябрь ойида у Грузияга қайтиб келди ва ҳибсга олинди.

Эслатиб ўтамиз, аввалроқ Михаил Саакашвили қамоқда бир нечта касалликлар туфайли аҳволи оғирлашганини айтиб, халқаро ҳамжамиятдан ёрдам сўраганди. Тбилиси суди эса уни соғлиғи ёмонлашгани учун қамоқдан озод қилишни рад этганди.