Тарихда илк бор FIFA’ни аёл киши бошқариши мумкин
Спорт
−
14:40 1695 1 дақиқа
FIFA’нинг собиқ президенти Зепп Блаттер ташкилотнинг амалдаги раҳбари Жанни Инфантино ўрнига Норвегия футбол ассоциацияси президенти Лизе Клавенесс номзодини таклиф қилди. Бу ҳақда Блаттер ўзининг X ижтимоий тармоғида ёзиб қолдирди.
“Клавенесс энг юксак ҳурматга муносиб инсон. У доимо аниқ позицияни эгаллаган ва кўпчиликка эргашмаган ягона шахс бўлди. FIFA’га аёл киши раҳбарлик қиладиган вақт келди”, деб ёзди Блаттер.
Лизе Клавенесс фаолияти давомида Норвегия аёллар миллий терма жамоаси сафида тўп сурган. Агар у FIFA’га президент этиб сайланса, ташкилот тарихида ушбу лавозимни эгаллаган илк аёлга айланади.
Эслатиб ўтамиз, аввалроқ Жанни Инфантино 2027 йил 18 март куни бўлиб ўтадиган FIFA президентлиги сайловида ўз лавозимини сақлаб қолиш мақсадида АҚШ Президенти Дональд Трамп маъмуриятидан сиёсий кўмак сўрагани ҳақида хабарлар тарқалган эди.
Live
Барчаси
