Таиландда ёввойи филлар 30 кишини ўлдирди

Таиландда ҳалокатли оқибатларга олиб келиши мумкин бўлган филлар ва инсонлар тўқнашувларининг олдини олиш мақсадида ёввойи филларга қарши назорат қилиш вакциналарини қўллашни бошлади. Бу ҳақда “Euronews” хабар берди.

Расмий маълумотларга кўра, 2025 йилда Таиландда ёввойи филлар 30 кишини ўлдирган ва 29 кишини жароҳатлаган. Шунингдек, филларнинг экинларга зарар етказиши билан боғлиқ 2 мингдан ортиқ ҳолат қайд этилган.

Қайд этилишича, ёввойи филларнинг туғилиш даражаси йилига тахминан 8,2 фоизни ташкил этган. Бу ўртача 3,5 фоиздан икки баравар кўп. Мамлакатдаги тахминан 4400 та ёввойи филдан 800 таси ушбу можароларга мойил ҳудудларда яшайди, деб ҳисобланган.

Ҳукумат АҚШда ишлаб чиқарилган 25 вакцинанинг дозасини олган ва 7 та хонакилаштирилган фил устида 2 йиллик синов ўтказган. Вакциналар яхши натижалар берган.

Ушбу ташаббус ҳалокатли оқибатларга олиб келиши мумкин бўлган қарама-қаршиликларни бартараф этишга қаратилган ҳаракатларнинг бир қисми ҳисобланади. Фермерлар кўпроқ қишлоқ хўжалиги ерларини яратиш учун ўрмонларни кесаётган бир пайтда, филлар озиқ-овқат излаб, торлик қилаётган яшаш жойларидан чиқиб кетишга мажбур бўлишган.

Эслатиб ўтамиз, аввалроқ Шри-Ланкада таътил пайтида россиялик сайёҳларнинг транспорт воситасига фил ҳужум қилгани ҳақида хабар берилганди.

Жавоҳир Алиқулов