Suzuvchi 4 oy davomida Islandiya atrofini aylanib chiqdi

Britaniyalik sportchi Ross Ejli Islandiyaning 1600 km chegarasini to‘liq suzgan birinchi odam bo‘lib, nomini tarixga yozdi. Bu haqda “Sky news” nashri xabar berdi.

Manbaga ko‘ra, sportchi 4 oy davomida sovuq harorat, kuchli to‘lqinlar bilan kurashib, og‘ir jismoniy xarakatlarga chidagan. U 2025 yil 17 may sanasida suzishni boshlagan va 2025 yilning 8 sentyabr sanasida yakunlagan. Sportchining 4 oy davomidagi kunlik rejimi 6 soat suzish va yaxtada 6 soat dam olish bilan o‘tgan. Bu vaqtda suvning o‘rtacha harorati 3 °C ni tashkil etgan. Bu harakatlar uchun Ejliga katta energiya kerak bo‘lgan. Shuning uchun sportchi har kuni 10 000 – 15 000 kaloriya iste’mol qilgan.

Suzish sayohati davomida Ejli katta ilmiy tadqiqotda ishtirok etgan. U Islandiya universiteti bilan hamkorlikda ishlagan. Maqsad – mikroplastik ifloslanish va mamlakat qirg‘oqlari bo‘ylab dengiz hayoti haqida yaxshiroq tushunchaga ega bo‘lish edi.