Surxondaryoda Nexia urib yuborgan 8 yoshli qiz vafot etdi

3-sahifa

−

31 iyul visibility4126 timer1 daqiqa

Surxondaryo viloyati Uzun tumanida 8 yoshli qizaloq Nexia urib ketishi oqibatida vafot etdi. Bu haqda “Hudud” dasturida xabar berildi.

Qayd etilishicha, 29 yoshli fuqaro Nexia-2 rusumli avtomashinasini boshqarib kelib, yaqin atrofda maktab borligini ko‘rsatuvchi belgi bo‘lsa ham tezlikni pasaytirmagan. Oqibatda u piyodalar yo‘lagidan o‘tayotgan 8 yoshli qizaloqni urib ketgan. Qiz esa vafot etgan.

Bildirilishicha, mazkur ish jinoyat ishlari bo‘yicha Uzun tuman sudida ko‘rib chiqilgan. Sud hukmi bilan erkakning 2 yil transport vositalarini boshqarishi taqiqlangan va 5 yilga ozodlikdan mahrum etilgan. Jazoni maxsus tartibli koloniyada o‘tattirish belgilangan.

Eslatib o‘tamiz, avvalroq Toshkent shahrining Shayxontohur tumanida Spark mashinasi haydovchisi bo‘lgan 20 yoshli yigit avtohalokatga uchrab, voqea joyida halok bo‘lgandi.

Maqola muallifi