Сурияда бомба портлашида 15 киши ҳалок бўлди

Олам

image

Бугун, 3 февраль куни Сурия шимолида жойлашган Ҳалаб вилоятидаги Манбиж шаҳри яқинида қишлоқ хўжалиги ишчиларини олиб кетаётган автомобиль портлаб кетди, оқибатда 15 киши ҳалок бўлди. Бу ҳақда SANA хабар берди.

Маълум қилинишича, портлашнинг асосий сабаби ишчиларни олиб кетаётган автомобиль олдидаги бошқа бир машинанинг портлашидир. Ундан чиққан аланга эса иккинчи машинага ўтган ва у ҳам портлаб кетган. 

“Қишлоқ хўжалиги ишчиларини олиб кетаётган машина ёнида бомба ўрнатилган машинанинг портлаши оқибатида ўн тўрт аёл ва бир эркак ҳалок бўлди, яна 15 нафар аёл жароҳатланди”, дейилади хабарда. 

Шунингдек, нашр бу ҳодиса сўнгги бир неча кун ичида Манбижда иккинчи бор содир бўлгани ҳақида ёзади. Қайд этилишича, 1 январь куни шаҳар марказида бомба ўрнатилган автомобилнинг портлаши оқибатида тўрт нафар тинч аҳоли вакили ҳалок бўлган. Яна тўққиз киши, жумладан, болалар жароҳатланган.

Эслатиб ўтамиз, аввалроқ Покистоннинг Панжоб вилояти Мултан шаҳрида суюлтирилган газ ташувчи танкернинг портлаши оқибатида олти киши ҳалок бўлганди ва 33 киши жароҳат олганди.  


Мақола муаллифи

Теглар

Сурия портлаш Ҳалаб

Баҳолаганлар

0

Рейтинг

3

Мақолага баҳо беринг

Дўстларингиз билан улашинг