Суперлига рамзий жамоаси эълон қилинди

Эртага, 30 ноябрь куни Суперлиганинг 2025 йилги мавсум якунига етади. Мавсум якуни олдидан Ўзбекистон профессионал футбол лигаси (ЎзПФЛ) 2025 йилги мавсумнинг рамзий жамоасини эълон қилди. 

Унга кўра, чемпион “Нефтчи”дан 4 футболчи танлаб олинди. Шунингдек, “Пахтакор” ва “Динамо”дан 2 ўйинчи рамзий жамоадан ўрин олган. “Насаф”, ОКМК ва “Сўғдиёна”дан эса бир нафардан футболчи саралаб олинган. Бош мураббий сифатида эса “Пахтакор” бош мураббийи Камолиддин Тожиев номи қайд этилган.

Суперлига-2025 мавсум рамзий жамоаси:

Дарвозабон: Владимир Назаров (“Нефтчи”);

Ҳимоячилар: Хожиакбар Алижонов (“Пахтакор”), Анвар Ғофуров (“Нефтчи”), Жаҳонгир Ўрозов (“Динамо”);

Ярим ҳимоячилар: Икром Алибоев (“Нефтчи”), Ратинио (“Динамо”), Ойбек Бозоров (“Насаф”), Жамшид Искандеров (“Нефтчи”), Хуршид Ғиёсов (ОКМК);

Ҳужумчилар: Люпчо Дориев (“Сўғдиёна”), Игор Сергеев (“Пахтакор”);

Бош мураббий: Камолиддин Тожиев (“Пахтакор”).

Эслатиб ўтамиз, жорий йилнинг 22 ноябрь куни Фарғонанинг “Нефтчи” жамоаси Навоийнинг “Қизилқум” клубини 4:1 ҳисобида мағлубиятга учратиб, 24 йиллик танаффусдан сўнг Ўзбекистон чемпиони бўлган эди.