Soliq huquqbuzarliklari haqida xabar berganlarga 3 mlrd so‘m to‘landi
Jamiyat
−
24 fevral 3825 1 daqiqa
2026 yilning yanvar oyida “Soliq” mobil ilovasining “Soliq hamkor” tizimi orqali soliq huquqbuzarliklari haqida 12 486 ta murojaat kelib tushdi. Bu haqda Soliq qo‘mitasi xabar berdi.
Murojaatlarning 1 739 tasi takroriy bo‘lgani yoki shikoyat kelib tushgan tadbirkorlik sub’ektida tekshiruv davom etayotganligi sababli ko‘rib chiqilmagan.
Murojaatlar asosida 5 198 ta sayyor soliq tekshiruvi o‘tkazilib, 99 foiz holatda huquqbuzarlik tasdiqlangan.
Huquqbuzarlik holatlari bo‘yicha xabar bergan fuqarolarga 4 782 ta holat bo‘yicha (undirilgan jarima summasidan 20 foiz) 3 mlrd so‘m mukofot to‘langan.
Murojaatlarning asosiy qismi quyidagicha:
- 10 879 tasi xarid cheki bermaslik;
- 510 tasi to‘lovni plastik karta orqali qabul qilmaslik;
- 34 tasi plastik karta uchun xarid summasini oshirish;
- 1 063 tasi boshqa turdagi huquqbuzarlik holatlari bo‘yicha.
Live
Barchasi
