Словениянинг Ўзбекистондаги янги элчиси тайинланди
Жамият
−
12 Май 2422
Аленка Сухадольник Словениянинг Ўзбекистондаги янги элчиси этиб тайинланди. Бу ҳақда Ўзбекистон Ташқи ишлар вазири Бахтиёр Саидов ўзининг Telegram каналида маълум қилди.
“Словениянинг Ўзбекистондаги янги тайинланган элчиси Аленка Сухадольник хонимларидан ишонч ёрлиқларини қабул қилдик. Унинг ушбу лавозимга тайинланиши мамлакатларимиз ўртасидаги кўп қиррали икки томонлама муносабатларни кенгайтириш йўлида хизмат қилишига ишонамиз”, деб ёзди Саидов.
Унинг билдиришича, ҳамкорликни янада ошириш учун катта имкониятлар мавжуд. Икки томонлама муносабатларнинг 2025 йилги кун тартиби бой ва жуда истиқболли. Турли соҳаларда алоқаларни мустаҳкамлаш эса устувор вазифа.
Эслатиб ўтамиз, аввалроқ Грузиянинг Ўзбекистондаги янги тайинланган элчиси Давид Котариа Ўзбекистон Ташқи ишлар вазири Бахтиёр Саидовга ишонч ёрлиқларининг нусхаларини топширганди.
Live
Барчаси
