Siberian Wellness учтаси бирда: соғлик, гўзаллик ва экология уйғунлиги

Инсоният қадимдан ёшлик ва гўзаллик сирларини излаб келган. Бугунги кунда эса бу истакни рўёбга чиқариш учун табиий маҳсулотлар ва инновацион ёндашувлар муҳим аҳамият касб этмоқда. Siberian Wellness ана шу мақсадда қарийб 30 йилдан бери инсон саломатлиги ва гўзаллигига хизмат қилмоқда. 1996 йилда Россиянинг Новосибирск шаҳрида асос солинган компания халқаро бозорга 2005 йилда кириб келди ва тез орада жаҳоннинг турли мамлакатларида ўз ваколатхоналарини очди. Ўзбекистон эса 2010 йилда Siberian Wellness оиласининг ажралмас қисмига айланди.

Албатта, ҳар қандай компания маълум бир мамлакат бозорига кириш учун бозор имкониятлари ва унинг истиқболларини батафсил ўрганиб чиқади. Ўзбекистон бозорига киришдан олдин компания томонидан амалга оширилган маркетинг тадқиқотлари ва юқори баҳоланган истиқбол Siberian Wellness жамоасининг ушбу бозорда катта потенциални кўрганини англатади.

Маҳсулотлар ва ишлаб чиқариш

Ҳозирда Siberian Wellness компаниясининг Тошкент шаҳрида расмий ваколатхонаси, 150 та дўкони, ишлаб чиқариш корхонаси ва экобоғларда 196 нафар малакали ходими мавжуд. Наманган вилоятидаги ишлаб чиқариш мажмуасида Сибирда ишлаб чиқариладиган маҳсулотлар билан тўлиқ ўхшаш маҳсулотлар ишлаб чиқарилади. 415 гектарлик мевали боғлар компаниянинг барқарор ривожланиш стратегиясининг бир қисми бўлиб, уларда ўрик, шафтоли, нок, бодом, олхўри, узум, олма ва гилос каби 9 турдаги дарахтлар ўстирилади. Бундан ташқари, консентрланган олма шарбати ишлаб чиқариш йўлга қўйилган ва экологик инновацион технология асосида пектин ишлаб чиқариш линияси ишга тушиш арафасида турибди.

Соғлом ҳаёт тарзи учун инновацион ёндашув

Siberian Wellness ўзининг юқори сифатли маҳсулотлари билан соғлом турмуш тарзини тарғиб қилади. Компания томонидан ишлаб чиқарилган турли хил маҳсулотлар, жумладан, DAILY Box соғлом турмуш тарзини қўллаб-қувватловчи комплекслар, Siberian Super Natural Nutrition премиум озиқ-овқат қўшимчалари ва спортчилар учун махсус маҳсулотлар Ўзбекистон бозорида катта талабга эга. Ўзбекистон бозорида энг машҳур маҳсулотлар орасида Koren бальзами, Novomin витамин комплекси, Immunoboks иммунитетни қўллаб-қувватловчи маҳсулотлар ва Inulinli концентрат каби ичак фаолиятини нормаллаштирувчи маҳсулотлар мавжуд. Шунингдек, компания бир қатор монопродуктлар (битта фаол модда асосида) ва янги парфюмерия тўпламларини ҳам тақдим этмоқда.

Ижтимоий масъулият ва экологик лойиҳалар

Siberian Wellness фақат бизнес фаоллиги билан чекланмай, балки ижтимоий ва экологик масъулиятни ҳам ўз зиммасига олган кам сонли компаниялардандир. Компания юзлаб иш ўринларини яратиб, франшиза дўконлари орқали аҳолининг бандлигини оширишга ҳисса қўшмоқда. Айтиб ўтиш жоизки, компания томонидан 2020 йилда Сирдарё сув тошқинидан жабр кўрган аҳолига 180 миллион сўмлик ёрдам кўрсатилган, 2022 йилда эса Тошкентда 200 туп дарахт экилган. Қорақалпоғистонда 14 220 туп саксовул ва 500 туп дарахт экиш орқали мураккаб табиий географик ҳудуд бўлган Оролбўйи экологиясини тиклашга ўз ҳиссасини қўшган. Шунингдек, “Ҳаёт. Жизнь” ва “Мушуккент” лойиҳалари орқали ҳайвонларни ҳимоя қилишга кўмаклашмоқда. Бу ҳали ҳаммаси эмас, “Спорт соғлиқ гарови” деганларидек, компания спорт ва соғлом турмуш тарзини тарғиб қилади, профессионал спортчиларни қўллаб-қувватлайди ҳамда турли спорт мусобақаларининг ҳомийси ҳисобланади.

Мукофотлар ва эътироф

Siberian Wellness компанияси нафақат Ўзбекистон истеъмолчилари орасида, балки соҳа мутахассислари томонидан ҳам эътироф этилган етакчи бренд сифатида ўз ўрнини мустаҳкамлаб бормоқда. Маҳсулотларнинг сифати ва инновацион ёндашуви натижасида компания сўнгги йилларда бир неча нуфузли мукофотларга сазовор бўлди. Хусусан, 2024 йилда “Энг йирик инновацион биологик фаол қўшимчалар ассортиментини тақдим этган компания” номинациясида ғолиб бўлган Siberian Wellness, ўз маҳсулотлари орқали соғлом турмуш тарзини қўллаб-қувватлашга бўлган интилишларини яна бир бор исботлади. 2023 йилда эса “Ўзбекистон ривожига сармоявийлиги ва ҳиссаси учун” махсус мукофотга лойиқ деб топилиб, нафақат сифатли маҳсулотлар ишлаб чиқарувчи, балки мамлакат иқтисодий ва ижтимоий ривожланишига ўз ҳиссасини қўшаётган компания сифатида тан олинди.

15 йиллик юбилей

Siberian Wellness  Ўзбекистонда муваффақиятли фаолиятининг 15 йиллигини нишонлар экан, компания маҳаллий маданиятга ҳурмат рамзи сифатида ўз логотипининг ўзбекча версиясини тақдим этди ва компания ўз олдига соғлом турмуш тарзини тарғиб этиб, ҳар иккинчи ўзбекистонликнинг ҳаётини ўзининг инновацион маҳсулотлари билан яхшилашни мақсад қилди!

Telefon: (+998) 78−113−87−67
Sayt: uz.siberianhealth.com
Facebook: https://www.facebook.com/siberianwellnessuzbekistan
Instagram: @siberianwellness_uzbekistan
Telegram: t.me/swuzbekistan

Реклама ҳуқуқи асосида