Saudiya-Isroil munosabatlarini normallashtirish hali ham kun tartibida – Ar-Riyod

G‘azo sektoridagi voqealarga qaramay, Saudiya Arabistoni va Isroil o‘rtasidagi munosabatlarni normallashtirish masalasi hamon kun tartibida. Bu haqda Saudiya Arabistoni Investitsiya vaziri Xolid bin Abdulaziz al-Faleh Singapurda bo‘lib o‘tayotgan Bloomberg New Economy Forum sessiyasida ma’lum qildi.

"Ushbu muzokaralar bo‘lib o‘tdi va oliy hazratlari valiahd shahzoda bu muhokamalarning borishi bevosita Falastin muammosining tinch yo‘l bilan hal etilishiga bog‘liqligini aniq aytdi. Bu masala muhokamada bo‘lgan va hozir ham kun tartibida", degan vazir mavjud vaziyat haqidagi savolga javoban.

Uning aytishicha, o‘tgan oy sodir bo‘lgan fojiali voqealar Saudiya Arabistonining nima uchun Falastin muammosiga yechim topishi Yaqin Sharq mintaqasida yanada kengroq normallashtirishning bir qismi bo‘lishi kerakligi haqida shunchalik qat’iy ekanligini ko‘rsatadi.

Eslatib o‘tamiz, oldinroq vazir Xolid bin Abdulaziz al-Faleh G‘azo sektorida o‘t ochishni to‘xtatishga erishish uchun neft narxidan vosita sifatida foydalanish imkoniyatini rad etgandi. U Saudiya Arabistoni muzokaralar orqali tinchlikka erishishga harakat qilayotganini aytgandi.