Санжар Турсунов ва Бобоусмон Батуров Олимпиада йўлланмасини қўлга киритди

Спорт 2744
image

Иорданияда бокс бўйича лицензион турнир давом этмоқда. Бугун Ўзбекистон терма жамоасининг икки нафар боксчиси Токио-2020 Олимпия ўйинлари йўлланмасини қўлга киритди.

Ўзбекистонлик боксчилар Санжар Турсунов ва Бобоусмон Батуровлар чорак финал жангини ўтказишди. Ушбу босқичда Санжар Турсунов -91 килограмм вазн тоифасида эронлик Туфан Шарифига қарши жанг қилган бўлса, Бобоусмон Батуров -69 килограммг вазн тоифасида Хитойлик Кионг Ерсунга қарши ринга чиқди. Ушбу жангда ҳар иккала ўзбекистонлик боксчилар  рақибларини мағлуб этиб, ярим финал йўлланмасига эга чиқишди.

Мусобақа регламентига кўра -91 килограмм вазн тоифасида ушбу мусобақада Токио-2020 учун 4 та квота ўйналаётган бўлса, -69 килограмм вазн тоифаси учун Токио-2020 Олимпиадасига 5 та квота ўйналмоқда.

Демак, ярим финал йўлланмаси Санжар Турсунов ва Бобоусмон Батуровга Олимпиадада қатнашиш ҳуқуқини беради.

Шу тариқа Ўзбекистон делегациясининг Токио-2020 Олимпия ўйинларига қўлга киритган йўлланмалари сони 16 тага етди.

Жаҳонгир Сотволдиев
Мақолага баҳо беринг
Баҳолаганлар: 87
Рейтинг: 2.9
t
×