Санкциялар эмас. Нефть нархи ошишига сабаб бўладиган омил айтилди

Олам 8866
image

Хитойнинг нефтга бўлган талаби ортиб бораётгани сабаб, ушбу ёнилғининг бутун дунё бўйлаб нархи ошиши мумкин. Бу ҳақда “Bloomberg” маълум қилди.

Қайд этилишича, Хитой дунёдаги энг йирик нефть истеъмолчиларидан бири ҳисобланади. Сўнгги пайтларда мамлакатнинг нефть ва нефть маҳсулотларига бўлган талаби аста-секин ортиб бормоқда.

Хитойнинг CNPC нефть ва газ компанияси 2022 йилнинг учинчи чорагида мамлакат нефть истеъмолини 12 фоизга ошириши мумкинлигини айтган. Шу сабабли ОПЕК+ давлатлари ёқилғи ишлаб чиқаришни кўпайтирмоқчи.

Бундан ташқари, Хитой аста-секин коронавирус чекловларини енгиллаштирмоқда. Бу ишбилармонлик фаоллигини оширишга олиб келиши мумкин. Натижада талаб кунига 1,6 миллион баррелга ошади.

12 июнь куни Саудия Арабистонининг миллий нефть компанияси “Saudi Aramco” 2022 йил июль ойида Хитойга хом нефть етказиб беришни қисқартиришга қарор қилди. Бу Хитой нефть компаниялари томонидан Россия ёқилғиси импорти ортиб бораётган бир шароитда содир бўлди.

Юлдуз Абдурашидова
Мақолага баҳо беринг
Баҳолаганлар: 529
Рейтинг: 3
Теглар
t
×