Samarqanddagi suv omborida to‘rt nafar yosh yigit cho‘kib ketdi
3-sahifa
−
02 avgust 2023 10992
Samarqand viloyatidagi Kattaqo‘rg‘on suv omborida 4 nafar yigit cho‘kib ketdi. Bu haqda Bosh prokuratura matbuot kotibi Hayot Shamsutdinov QALAMPIR.UZ'ga ma’lum qildi.
Keltirilishicha, joriy yilning 30 iyul kuni Qashqadaryo viloyatining Chiroqchi va Ko‘kdala tumanlarida yashovchi O.E., E.U., I.D., S.R., Z.O., O.A. va E.X.lar Nurobod tumani, “Po‘lat” mahallasida yashovchi tanishi M.M.ning tug‘ilgan kunini nishonlashgan. Shu kuni ular soat taxminan 17:30 larda Kattaqo‘rg‘on suv omboriga cho‘milmoqchi bo‘lib, ushbu joydagi qayiq bilan suv omborining qirg‘og‘idan taxminan 40 metr uzoqlikka suzib borgan.
Ular qayiq ustida fotosuratga tushish maqsadida tartibsiz harakatlar qilgani sababli, muvozanatini yo‘qotgan. Oqibatda qayiq ag‘darilib ketgan. Qayiqda bo‘lgan Z.O. O.A. va E.X.lar qirg‘oqqa suzib chiqqan, ammo O.E., E.U., S.R. va I.D.lar cho‘kib ketgan.
Olib borilgan qutqaruv ishlari davomida marhum O.E.ning murdasi topilgan. Hozirda qidiruv-qutqaruv ishlari olib borilmoqda.
Eslatib o‘tamiz, avvalroq Andijon viloyati Baliqchi tumanida joylashgan Qoradaryoda 2 ta bola cho‘kib ketgandi.
Live
Barchasi
