Саида Мирзиёева ҳам Блинкеннинг ёрдамчиси билан учрашди

Жамият

−

07 Ноябрь 2023 visibility7186

Бугун, 7 ноябрь куни Ўзбекистон Республикаси Президенти Шавкат Мирзиёевнинг тўнғич қизи – Президент ёрдамчиси Саида Мирзиёева айни дамда Ўзбекистонда бўлиб турган АҚШ Давлат котибининг Жанубий ва Марказий Осиё бўйича ёрдамчиси Дональд Лу билан учрашди. Бу ҳақда у ўзининг ижтимоий тармоқлардаги саҳифасида маълум қилди.

Қайд этилишича, мулоқот давомида таълим, маданият, аёллар ва болалар ҳуқуқларини таъминлаш каби соҳаларда мамлакатлар ўртасидаги икки томонлама муносабатларнинг бугунги ҳолати ва истиқболлари муҳокама қилинган.

Шунингдек, Ўзбекистонда ОАВ фаолияти ва фуқаролик жамиятини қўллаб-қувватлаш ҳамда инсон ҳуқуқлари соҳасида ўзаро ҳамкорлик юзасидан фикр алмашилган.

Айтиш жоиз, аввалроқ АҚШ Давлат департаменти Дональд Лу Қозоғистон, Ўзбекистон ва Ҳиндистонга сафар қилишини маълум қилганди.

Эслатиб ўтамиз, бугун, 7 ноябрь куни Дональд Лу бошчилигидаги Америка делегацияси Ўзбекистонга келгани ва Ўзбекистон Ташқи ишлар вазири Бахтиёр Саидов билан учрашув ўтказгани ҳақида хабар берилган эди.

Мақола муаллифи

Муҳсинжон Умурзоқов

Теглар

Саида Мирзиёева Дональд Лу Президент ёрдамчиси Блинкеннинг ёрдамчиси

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

9 май муносабати билан ўзбекистонликлар неча кун дам олади?

Бу йил Хотира ва қадрлаш кунида Ўзбекистон фуқаролари фақат бир кун, 9 май, пайшанба куни дам олади.