Blinkenning yordamchisi O‘zbekistonga keladi

north_east

Markaziy Osiyo rahbarlari Bayden bilan sammit o‘tkazdi

AQSH Davlat kotibining Janubiy va Markaziy Osiyo bo‘yicha yordamchisi Donald Lu O‘zbekistonga keladi. Bu haqda Davlat departamenti xabar qildi.

Qayd etilishicha, 4-11 noyabr kunlari Donald Luning Qozog‘iston, O‘zbekiston va Hindistonga safar qilishi rejalashtirilgan. U sentyabr oyida Birlashgan Millatlar Tashkiloti Bosh Assambleyasi doirasida bo‘lib o‘tgan C5+1 prezidentlik sammiti va oktyabrda bo‘lib o‘tgan mintaqaviy aloqalar bo‘yicha C5+1 vazirlar yig‘ilishida erishilgan kelishuvlarni mustahkamlash maqsadida  Markaziy Osiyoga keladi.

Lu Toshkentga kelganida O‘zbekiston hukumatining yuqori martabali amaldorlari bilan uchrashib, AQSH va O‘zbekiston xavfsizlik sohasidagi sheriklikni kengaytirish hamda mintaqaviy muammolarni hal qilish yo‘llarini muhokama qilish, xalqlar o‘rtasidagi aloqalarni mustahkamlash hamda savdo va investitsiyalarni diversifikatsiya qilish orqali ikki tomonlama aloqalarni rivojlantirish yo‘llarini muhokama qilishni reja qilgan.

“U inson huquqlari masalalari bilan shug‘ullanuvchi fuqarolik jamiyati guruhlari bilan ham hamkorlik qiladi. Qozog‘istonda ham, O‘zbekistonda ham AQSH delegatsiyasi Qo‘shma Shtatlar Qozog‘iston va O‘zbekiston suvereniteti, hududiy yaxlitligi va mustaqilligiga qat’iy sodiqligini yana bir bor tasdiqlaydi”, deyiladi Davlat departamenti xabarida.

So‘ngra davlat kotibi yordamchisi Lu AQSH-Hindiston 2+2 vazirlar muloqotiga tayyorgarlik ko‘rish uchun Hindistonga ketadi.

Eslatib o‘tamiz, joriy yilning 28 fevral – 1 mart kunlari AQSH Davlat kotibi Entoni Blinken o‘z faoliyati davomida birinchi marta Qozog‘iston va O‘zbekistonga tashrif buyurgandi. O‘shanda u ham O‘zbekistondan Hindistonga jo‘tab ketgandi. 19 sentyabr kuni esa Nyu-York shahrida Markaziy Osiyo mamlakatlari va Amerika Qo‘shma Shtatlari yetakchilarining “C5+1” formatidagi birinchi sammiti bo‘lib o‘tgandi.