Россиядаги дарёда ўзбекистонлик йигит чўкиб кетди
3-саҳифа
−
04 Июль 2023 10552
Россиянинг Татаристон Республикаси ҳудудида 1998 йилда туғилган Ўзбекистон фуқароси Кама дарёсига чўкиб кетиб, вафот этди. Бу ҳақда Татаристон Фавқулодда вазиятлар вазирлиги матбуот хизмати хабар берди.
Қайд этилишича, жорий йилнинг 3 июль куни маҳаллий вақт билан соат 16:30 да Татаристоннинг Нижнекамск шаҳрида 25 ёшли ўзбекистонлик йигит маст ҳолда Кама дарёсига тушган. Қутқарувчилар чўкиб кетаётган йигитни сувдан чиқариб олишга муваффақ бўлган. Шундан сўнг уни шифохонага олиб боришган. Кўрсатилган ёрдамга қарамай, реанимацияга тушиб қолган йигит соат 17:20 да вафот этган.
Эслатиб ўтамиз, 2021 йилда Россиянинг Ленинград вилояти Новосаратовка қишлоғи яқинида Нева дарёсида чўкиб кетган 20 ёшли Ўзбекистон фуқаросининг жасади топилганди. Шунингдек, ўша йили Россиянинг Рязан вилоятидаги Дедюхино қишлоғида ўзбекистонлик икки нафар бола ҳам чўкиб кетганди.
Live
Барчаси
