Россияда яна бир ўзбекистонлик етти ёшли қизчага шилқимлик қилишда айбланмоқда
Жамият
−
25 Октябрь 2023 5678
Челябинскда (Россия) етти ёшли қизчага шилқимлик қилишда гумон қилинган Ўзбекистон фуқароси қўлга олинди. Бу ҳақда “URA.ru” ахборот агентлиги хабар бермоқда.
Аниқлик киритилишича, эркак воқеа содир бўлган оиланинг дўсти бўлган. Жабрланувчининг онаси дўстини кўргани келган, у ерда ўзбек йигити унинг қизига шилқимлик қилган.
Дастлабки маълумотларга кўра, у қизнинг жинсий аъзоларига тегинган. Катталар бундан хабар топгач, полицияга ариза беришган, шундан сўнг у ҳибсга олинган.
Гумонланувчи 37 ёшда ва Россияда қонуний равишда истиқомат қилади. Шу билан бирга, у расман ҳеч қаерда ишламайди.
Фуқаро қўлга олиниб, унга нисбатан Россия Жиноят кодексининг 132-моддаси 4-қисми (ўн тўрт ёшга тўлмаган шахсга нисбатан жинсий характердаги зўравонлик қилиш) бўйича айблов эълон қилинди. Эркак икки ой муддатга тергов ҳибсхонасига жўнатилган ва унга 12 йилдан 20 йилгача қамоқ жазоси тайинланиши мумкин.
Аввалроқ, Японияда ўзбекистонлик эркак автобусда ўрта мактаб ўқувчисига 30 дақиқадан кўпроқ вақт мобайнида шилқимлик қилишда гумонланиб, қўлга олингани ҳақида хабар берилган эди.
Live
Барчаси
