Россияда ўзбекистонлик ва шимолий кореялик мигрантлар жанжаллашди (видео)

Россиянинг Приморск ўлкасида жойлашган Арсеньев шаҳридаги қурилиш майдонида Шимолий Корея ва Ўзбекистон фуқаролари ўртасида муштлашув содир бўлди. Бу ҳақда “Amur Mash” Telegram-канали хабар берди.

Ҳодиса янги барпо этилаётган тоғ-чанғи курортида содир бўлган. Можаро тушунмовчилик оқибатида юзага келган ва жанжал вақтида тарафлар ҳатто таёқлардан фойдаланган. Бироқ жанжалдан сўнг ишчилар ўз фаолиятларини давом эттирган.

Билдирилишича, Ўзбекистон ишчилари ва кореяликлар ниманидир бўлиша олмай қолган ва бу ҳолат кенг кўламли можаро сабабига айланган. Ишчилар ҳатто бир-бирини темир қувурлар билан урушгача борган.

Ҳодиса юзасидан ҳозирча расмий органлар томонидан аниқ маълумотлар берилмаган, аммо ҳуқуқни муҳофаза қилувчи органлар ушбу можаро юзасидан текширув олиб бораётганини маълум қилган.

Эслатиб ўтамиз, аввалроқ Россиянинг Москва шаҳридаги кафелардан бирида мигрантлар мамлакатнинг хавфсизлик кучлари томонидан аёвсиз калтакланганди.