Россияда оғир аҳволда қолган ўзбекистонликлар Ватанга қайтарилди
Жамият
−
28 Декабрь 2020 4503
Бугун, 28 декабрь куни Россиянинг Уфа шаҳридан оғир аҳволда қолган 6 нафар Ўзбекистон фуқароси Ватанга қайтарилди. Бу ҳақда Ташқи меҳнат миграцияси агентлиги хабар берди.
Агентлик маълумотига кўра, Халқаро миграция ташкилоти билан ҳамкорликда Россия Федерацияси ва Қозоғистон Республикасининг турли ҳудудларида мураккаб молиявий-ижтимоий ҳолатга тушиб қолган кўплаб фуқароларимиз чартер рейслар орқали мамлакатга олиб келинмоқда.
Аввалроқ, Санкт-Петербургдан ҳам 9 нафар оғир аҳволда қолган ўзбекистонлик олиб келингани ҳақида хабар берган эдик.
Эслатиб ўтамиз, бундан буён Россияда ишлаш ниятида бўлган Ўзбекистон фуқаролари коронавирусга қарши "Спутник V" вакцинаси билан эмланиши талаб қилинади.
Live
Барчаси
