Россияда депутатнинг бошини ёрган ўзбекистонлик бир ярим ойга қамалди (видео)
3-саҳифа
−
20 Июль
7571Аввалроқ, бир тўда муҳожирлар Россиянинг Самара шаҳрида Давлат Думаси депутати Михаил Матвеевни калтаклагани, шунингдек, жанжал иштирокчилари орасидан ўзбекистонлик йигит қўлга олингани ҳақида хабар берилганди. Ушбу ҳуқуқбузарликни содир этган ўзбекистонликка нисбатан 1 ой-у 29 кун қамоққа олиш эҳтиёт чораси белгиланди. Бу ҳақда “ГТРК САМАРА” Telegram-канали хабар берди.
Маълумотларга кўра, Самарада Давлат Думаси депутати машина ҳайдаб кетаётганида деразадан йигитлар ўртасидаги муштлашувга кўзи тушган. У машинадан тушиб, муштлашувни тўхтатишга уринган. Оқибатда депутат оғир жароҳат олган, жумладан, бош қисми шикастланган. Депутатга кўра, унга дубинка билан ҳужум қилишган.
Қўлга олинган шахслардан бири 2004 йилда туғилган Ўзбекистон фуқароси М.М экани аниқланган. Мазкур ҳолат юзасидан суд жараёни олиб борилиб, унга нисбатан 1 ой-у 29 кунга қамоққа олиш эҳтиёт чораси белгиланди. Аммо суд жараёнида М.М. бўлиб ўтган воқеага алоқадор эмаслигини таъкидлаган.