Россия яна икки давлат билан авиақатновларни тиклаяпти

Жамият 10929
image

Жорий йилнинг 8 февралидан Россия Греция ва Сингапур билан авиақатновларни тиклайди. Бу ҳақда Коронавирусга қарши кураш тезкор штаби маълум қилган.

“Муҳокама натижаларига кўра ва айрим мамлакатлардаги эпидемиологик вазиятни ҳисобга олган ҳолда, штаб 2021 йил 8 февралдан бошлаб Греция (Москва – Афина, ҳафтасига икки рейс) ва Сингапур (Москва – Сингапур, ҳафтасига учта рейс) билан ўзаро халқаро авиақатновларни тиклашга қарор қилинди”, дейилади хабарда.

Эслатиб ўтамиз, аввалроқ Россия Финландия, Вьетнам, Ҳиндистон ва Қатар билан авиаалоқани тиклаганди.

Россияда халқаро авиапарвозларни тиклаш ўтган йилнинг август ойидан бошланганди. Ҳозиргача 19 та давлат билан парвозлар тикланган. Аммо уларнинг орасида Ўзбекистон йўқ. Марказий Осиё давлатларидан Қозоғистон ва Қирғизистон Россия билан авиақатновларни тиклаган.

Суннатилла Абдуллаев
Мақолага баҳо беринг
Баҳолаганлар: 577
Рейтинг: 3
Теглар
t
×