Россия Telegram`ни жаримага тортди

24 август куни Москвадаги халқаро судья оддий фуқарога тегишли шахсий маълумотларни ўчиришдан бош тортгани учун Telegram мессенжерига 50 минг рубль (528 АҚШ доллари) миқдорида жарима солди. Бу ҳақда “Известия” нашри хабар берди.

Судья Россия Федерацияси фуқаросининг шахсий маълумотларини “Антигост” Telegram каналидан ўчириб ташлашни талаб қилган шикоятни кўриб чиқди ва маъмурий баённома расмийлаштирди. 

Гап шундаки, 2015 йилда қабул қилинган шахсий маълумотлар тўғрисидаги қонунга кўра, ташкилотлар Россия Федерацияси фуқароларининг маълумотларини мамлакатда жойлашган рақамли маълумотлар базаларида сақлаши шарт. Агар қоидабузарлик аниқланса, хизмат блокланиши, қоидабузарликка йўл қўйган ташкилот жаримага тортилиши мумкин.

Шунга кўра, мессенжер Россия Федерацияси Маъмурий ҳуқуқбузарликлар тўғрисидаги кодексининг 5-қисми бўйича айбдор деб топилган ва жарима белгиланган.

Эслатиб ўтамиз, Москва жаҳон суди шу ойда Google компаниясини ҳам Украинадаги “махсус ҳарбий операция” ҳақидаги ёлғон маълумотларни, шунингдек, Россия Федерациясида тақиқланган маълумотларни олиб ташламагани учун 3 миллион рубль миқдорида жаримага тортди.