Роналдунинг расмий ўйинлардаги голлари 902 тага етди
Спорт
−
21 Сентябрь 1012
“Ал-Наср” ҳужумчиси Криштиану Роналду яна гол урди. 20 сентябрь куни Саудия Арабистони чемпионатининг 4-туридан ўрин олган ўйинда португалиялик футболчи “Ал-Иттифоқ” дарвозасини ишғол қилди.
Форвард 33-дақиқада пенальтини голга айлантирди. “Ал-Наср”нинг янги бош мураббийи Стефано Пиоли учун дебютга айланган учрашув ар-риёдликлар ғалабаси билан якунланди – 3:0.
Роналду жорий мавсум бошлангандан бери клуб ва терма жамоа сафида ўтказган 8 та ўйинининг еттитасида гол урди ва расмий ўйинларидаги голлари сонини 902 тага етказди. 7 та голдан ташқари мазкур учрашувларда Криштиану Роналду 2 та голли узатмани ҳам амалга оширди.
Эслатиб ўтамиз, аввалроқ Роналду футболдан кетгач нимани соғиниши хабар қилинганди.
