Роналду тўп тепадиган клуб Месси ўйнайдиган жамоадан кучли деб топилди
Спорт
−
11 Октябрь 4620
Португалиялик ҳужумчи Криштиану Роналду тўп сурадиган Саудиянинг “Ал-Наср” клубини аргентиналик ҳужумчи Лионель Месси тўп сураётган Американинг “Интер Майами” клубидан ҳам кучлироқ ҳисобланди. Бу ҳақда “Opta” портали хабар берди.
Манбага кўра, 8 октябрь куни портал тадқиқот ўтказди ва натижалар бугун,11 октябрь куни эълон қилинди. “Ал-Наср” “Opta”нинг энг яхши футбол клублари рейтингида 92-ўрин, “Интер Майами” эса 98-ўринда қайд этилди.
Шунингдек, рейтингда Саудиянинг “Ал-Ҳилол” клуби 34-ўринни эгаллади. МЛСнинг энг яхши жамоаси сифатида “Коламбус Крю”дан 35-поғонани банд этди.
Бу борада 1-ўринда Англиянинг “Манчестер Сити” клуби қайд этилди. Кейинги ўринларни “Реал”, “Арсенал”, “Ливерпуль”, “Байер” ва “Интер” жамоалари эгаллади. Рейтингни тузишда жамоаларнинг охирги ўйинлардаги натижалари ва эришган ютуқлари асос қилинди.
Live
Барчаси
