Роналду Аргентина ва FIFA танқид қилинган постга лайк босди

Португалиялик футболчи Криштиану Роналду FIFA ва Аргентина терма жамоаси ҳақидаги танқидий фикрлар билдирилган ижтимоий тармоқдаги постга лайк босди.

Гап Испаниянинг “Espejo Público” телекўрсатувининг Instagram саҳифасида эълон қилинган видео ҳақида кетмоқда. Унда журналист Пилар Родригес Аргентина ва Англия ўртасидаги Жаҳон чемпионати ярим финалидан (2:1) кейин ўз фикрларини билдирган.

Журналистнинг билдиришича, Аргентина FIFA ёрдамисиз турнирнинг дастлабки босқичларидаёқ мусобақани тарк этиши керак эди. Шунингдек, у FIFA’ни “дунёдаги энг коррупцияларга ташкилотлардан бири” деб атаган.

Мазкур видеога Криштиану Роналдунинг лайк босгани ижтимоий тармоқ фойдаланувчилари эътиборини тортди ва кенг муҳокамаларга сабаб бўлди.

Эслатиб ўтамиз, Португалия терма жамоаси жорий йилнинг 6 июль куни Жаҳон чемпионати 1/8 финалида Испанияга 0:1 ҳисобида мағлуб бўлиб, мусобақани тарк этган эди. 19 июль куни эса Испания терма жамоаси Нью-Йоркда бўлиб ўтган финалда Аргентинани 1:0 ҳисобида мағлуб этиб, жаҳон чемпионига айланди.