“Реал” ва “Наполи” Европа Чемпионлар лигаси чорак финалига йўл олди

Спорт

image

16 мартга ўтар кечаси Европа Чемпионлар лигасининг амалдаги ғолиби “Реал Мадрид” турнир 1/8 финалининг жавоб ўйинида “Ливерпуль”ни 1:0 ҳисобида мағлуб этиб, чорак финалга йўл олди.

Ўйиндаги ягона голни 79-дақиқада Карим Бензема киритди.

Дастлабки учрашувда “Реал” рақибини 5:2 ҳисобида мағлуб этганди. Яна бир чорак финалчи Германиянинг “Айнтрахт” жамоасидан 3:0 ҳисобида устун келган Италиянинг “Наполи” клуби бўлди. Биринчи учрашувда ҳам неаполликлар ғалаба қозонганди – 2:0.

Маълумот учун, “Реал” ва “Ливерпуль” ўнинчи марта Европа Чемпионлар лигасида тўқнаш келди, испан клуби ўзаро ўйинларнинг олтитасида ғалаба қозонган бўлса, инглизлар иккита баҳсда “қироллик клуби”дан устун келган, яна иккита ўйин дуранг билан якунланган. Жамоалар уч марта турнир финалида ўйнаган ва иккита финалда “Реал” ғалаба қозонган. Ўтган йилги финалда “қаймоқранглилар” 1:0, 2018 йилги ҳал қилувчи ўйинда эса 3:1 ҳисобида ғалаба қозонган. 1981 йилги финалда “Ливерпуль” “Реал”ни 1:0 ҳисобида мағлуб этганди. “Реал Мадрид” Европа Чемпионлар лигасида энг кўп ғалаба қозониш бўйича рекордчи ҳисобланади, клуб жами 14 та чемпионликни қўлга киритган. “Ливерпуль” эса олти марта турнир бош совринига эга чиққан.

Жорий йилги Европа Чемпионлар лигаси финали 10 июнь куни Истанбулдаги “Олимпийский” стадионида бўлиб ўтади.


Мақола муаллифи

Теглар

“Наполи” “Реал”

Баҳолаганлар

0

Рейтинг

3

Мақолага баҳо беринг

Дўстларингиз билан улашинг