“Реал” мухлислари Винисиус, Беллингем ва Родригони GTA 6 талқинида намойиш қилди
Спорт
−
15 Январь
2331“Реал Мадрид” мухлислари “Барселона” билан Испания суперкубоги финал учрашувига жамоа футболчилари тасвирланган баннер олиб келди.
“Қаймоқранглилар” ярим ҳимоячиси Жуд Беллингем, шунингдек, ҳужумчилар Винисиус Жуниор ва Родриго плакатда фуқаролик кийимида тасвирланган, баннернинг ўзи эса GTA 6 компьютер ўйини услубида тайёрланган.
Баннерда “Испания суперкубоги. XIII”, деб ёзилган.
Финал баҳси якунлангач учрашув қаҳрамонларидан бири Родриго ўша баннер билан суратга тушди.
Маълумот учун, Испания суперкубогининг “Реал” ҳамда “Барселона” клублари тўқнаш келган финал учрашуви 4:1 ҳисобида “қаймоқранглилар” фойдасига ўз якунига етди. Мадрид клуби сафида Винисиус Жуниор хет-трик қайд этган бўлса, Родриго битта гол уришга муваффақ бўлди. Каталонияликлар сафида эса ягона жавоб тўпига Роберт Левандовски муаллифлик қилди.
LiveБарчаси