“Real” braziliyalik futbolchisiga 1 mlrd yevro tovon puli belgilamoqda
Sport
−
13 Oktabr 2023 2789
Ispaniyaning “Real Madrid” klubi vingeri Rodrigo Goyes “qirollik klubi” bilan yangi shartnoma imzolaydi. Bu haqda futbol jurnalisti Nikolo Skira o‘z X sahifasida ma’lum qildi.
Manbaga ko‘ra, futbolchi bilan yangi kelishuv 2028 yilgacha amal qiladi. Yangi shartnomada 1 mlrd yevro miqdoridagi tovon puli belgilanadi.
Joriy mavsumda braziliyalik futbolchi 11 ta o‘yinda qatnashib, 1 ta gol urdi va 1 ta golli uzatmani amalga oshirdi.
22 yoshli Rodrigo 2019 yilda “Real”ga o‘tgandi. O‘tgan mavsumda braziliyalik hujumchi 59 uchrashuvda 19 ta gol urdi va 11 ta golli uzatmani amalga oshirdi. “Transfermarkt” portali futbolchining narxini 100 million yevroga baholamoqda. Uning klub bilan amaldagi kelishuvi 2025 yilning 30 iyuniga qadar amal qiladi.
