Равшан Маматов лавозимидан озод этилди
Жамият
−
28 Январь 16531 1 дақиқа
Ўзбекистон Республикаси Президентининг фармони билан Равшан Мамажонович Маматов Ўзбекистон Республикаси Президенти Администрацияси ҳузуридаги Наркотиклар ва ўқотар қуролларни назорат қилиш агентлиги директори лавозимидан озод этилди. Бу ҳақда Ўзбекистон Президентининг матбуот хизмати хабар берди.
Маълумот учун, Равшан Маматов 2024 йилнинг августидан буён ушбу лавозимда ишлаб келаётган эди.
Қайд этиш жоиз, кеча, 27 январь куни Президент Шавкат Мирзиёев раислигида Тошкент шаҳар Ички ишлар бош бошқармаси ҳузуридаги Қўриқлаш бошқармасида ўтказилган видеоселектор йиғилишида Равшан Маматов фаолиятида ўзгариш қилмаса, лавозимига лойиқлиги кўриб чиқилиши ҳақида огоҳлантирилган эди.
