Путин Мирзиёевни Янги йил билан табриклади
Олам
−
30 Декабрь 2024 2141
Россия Президенти Владимир Путин Ўзбекистон Президенти Шавкат Мирзиёев ва бошқа қатор давлат етакчиларини Янги йил билан табриклади. Бу ҳақда Кремль матбуот хизмати хабар берди.
“Владимир Путин бир қатор давлатларнинг раҳбарларини Рождество байрами ва яқинлашиб келаётган 2025 йил билан самимий табриклади”, дейилади хабарда.
Табрикнома Марказий Осиё, Кавказ, Туркия, Хитой ва бошқа давлат раҳбарларига ҳам юборилган.
Бундан ташқари, Владимир Путин Рауль Кастро, Роберт Кочарян, Нурсултон Назарбоев, Серж Саргсян ва Герхард Шрёдер каби қатор хорижий давлат ва ҳукуматларнинг собиқ раҳбарларига ҳам табрик телеграммалари йўллаган. У АҚШ Президенти Жо Байден ва бошқа йирик “дўст бўлмаган давлатлар” раҳбарларига Янги йил табрикларини юбормаган. Европа етакчилари орасида фақат Вучич ва Орбанни табриклаган.
Live
Барчаси
