Putin Mirziyoyevni Yangi yil bilan tabrikladi
Olam
−
30 dekabr 2024 2215
Rossiya Prezidenti Vladimir Putin O‘zbekiston Prezidenti Shavkat Mirziyoyev va boshqa qator davlat yetakchilarini Yangi yil bilan tabrikladi. Bu haqda Kreml matbuot xizmati xabar berdi.
“Vladimir Putin bir qator davlatlarning rahbarlarini Rojdestvo bayrami va yaqinlashib kelayotgan 2025 yil bilan samimiy tabrikladi”, deyiladi xabarda.
Tabriknoma Markaziy Osiyo, Kavkaz, Turkiya, Xitoy va boshqa davlat rahbarlariga ham yuborilgan.
Bundan tashqari, Vladimir Putin Raul Kastro, Robert Kocharyan, Nursulton Nazarboyev, Serj Sargsyan va Gerxard Shryoder kabi qator xorijiy davlat va hukumatlarning sobiq rahbarlariga ham tabrik telegrammalari yo‘llagan. U AQSH Prezidenti Jo Bayden va boshqa yirik “do‘st bo‘lmagan davlatlar” rahbarlariga Yangi yil tabriklarini yubormagan. Yevropa yetakchilari orasida faqat Vuchich va Orbanni tabriklagan.
Live
Barchasi
