Путин мени ҳурмат қилгани учун бутун Украинани эгалламайди – Трамп

north_east

Европа Мюнхен келишувининг такрорланишидан огоҳлантирмоқда

АҚШ Президенти Дональд Трамп Россия етакчиси Владимир Путин Россия қўшинларининг давом этаётган ҳужумларига қарамай, Украинадаги урушни тўхтатмоқчи эканини айтди. Бу ҳақда у кеча, 29 апрель куни ABC News телеканалига берган интервьюсида маълум қилди.

"Менимча, ҳа. Унинг орзуси бутун мамлакатни эгаллаш эди. Менимча, мен туфайли у буни қилмайди”, деди у Путин тинчликни хоҳлайдими, деган саволга жавобан.

Суҳбат чоғида журналист Трампнинг Путиннинг Украинага қилинган сўнгги ракета ҳужумлари учун ҳеч қандай сабаб йўқлиги ва у “урушни тўхтатишни истамаслиги” мумкинлиги, шунчаки “Америка Президентини бурнидан етаклаб келаётгани” ҳақидаги баёнотини эслатди.

“Бу мумкин. Ҳа, мумкин. Албатта. Балки у мени бироз бошқараётгандир. У урушни тўхтатишни хоҳлайди, деб айтардим. Агар мен бўлмаганимда у бутун мамлакатни ўз қўлига олмоқчи бўларди, деб ўйлайман, шахсан... Менимча, Путин бутун Украинани қўлга киритмоқчи эди”, деди Трамп. 

Оқ уй раҳбари Россия президентига ишонадими, деган саволга тўғридан тўғри жавоб беришдан қочди.

“Мен сизга ишонмайман, мен кўп одамларга ишонмайман. Лекин менимча, у, айтайлик, мени ҳурмат қилади. Ва мен ишонаманки, мен туфайли у бутун Украинани эгаллаб олмайди – лекин унинг қарори, танлови бутун Украинани босиб олиш эди”, деди у.

Трамп Россия қўшинлари Украинага кенг кўламли босқинни бошлаганини, чунки Жо Байден АҚШ президенти бўлганини яна бир бор таъкидлади.

“Менимча, агар мен сайловда ғалаба қозонмаганимда, у бутун Украинани қўлга киритган бўларди. Ва ишонаманки, мен туфайли у жангни тўхтатишга тайёр”, дея қўшимча қилди у.

Эслатиб ўтамиз, олдинроқ АҚШ Президенти Дональд Трамп “Time” журналига берган интервьюсида Россия ва Украина ўртасидаги уруш тугаганидан кейин ҳам Қрим Россиянинг назорати остида қолишини айтганди.