Путин Аргентина Президентини табриклади

18 декабрь куни Россия Президенти Владимир Путин телефон орқали Аргентина Президенти Альберто Фернандесни "албиселесте"нинг футбол бўйича 2022 йилги Жаҳон чемпионатидаги ғалабаси билан  табриклади. Бу ҳақда Россия Федерацияси Президенти матбуот котиби Дмитрий Песков маълум қилди.

“Владимир Путин ҳозиргина Аргентина Президенти Альберто Фернандес билан телефон орқали мулоқот қилди”, дейди Песков. 

Песков Россия Президенти ўз ҳамкасбини Аргентина терма жамоасининг Қатар мундиалидаги муваффақияти билан табриклаганини таъкидлади.

Шунингдек, Франция Президенти Эммануэль Макрон ва Эквадор давлати раҳбари Гильермо Лассо Аргентинани жаҳон чемпионлиги билан қутлади.

18 декабрь куни Аргентина терма жамоаси Франция терма жамоасини мағлуб этди ва ўз тарихида учинчи марта ЖЧ кубогини қўлга киритди. Асосий вақт ва қўшимча иккита бўлим 3:3 ҳисобида якунланди. Аргентиналикларнинг голларига Лионель Месси ва Анхель Ди Мария муаллифлик қилди. Французлар сафида Килиан Мбаппе хет-трик қайд этди. Пеналтилар серияси 4:2 ҳисобида Аргентина терма жамоаси фойдасига ҳал бўлди.