Путин Африка бозори туфайли Россия “омон қолганини” айтди 

Президент Владимир Путин Россия ҳарбий саноатининг экспорт рекордини юқори баҳолади. Шунингдек, у Африкада рус бозори ва салоҳиятини оширганини айтди. Бу ҳақда кеча, 30 январь куни Путин Кремлда ҳарбий-техник ҳамкорлик бўйича йиғилишда маълум қилди.

Путиннинг сўзларига кўра, ўтган йили Россияда ишлаб чиқарилган ҳарбий маҳсулотлар 30 дан ортиқ давлатга етказиб берилган ва валюта тушуми 15 миллиард АҚШ доллардан ошган. Президент сектор “мураккаб шароитларда” ишлаётганини қайд этган.

“Ғарб мамлакатларининг Россия билан бизнес алоқаларини секинлаштириш ёки тўсиш учун босим ўтказди. Аммо бу уринишларга қарамай, бизнинг экспорт шартномаларимиз умуман олганда доимий равишда бажарилди”.

Унинг сўзларига кўра, Африка мамлакатлари Россия ишлаб чиқаришига алоҳида қизиқиш билдирмоқда.

“Ғарбнинг босимига қарамай, африкалик шериклар Россия билан ҳарбий ва ҳарбий-техник соҳаларда муносабатларини кенгайтиришга тайёрликларини кўрсатмоқда”, деди Путин.

Россия бир қатор Африка мамлакатлари билан, жумладан, ҳарбий ҳамкорлик соҳасида алоқаларни ривожлантириб келмоқда. Россия, шунингдек, Мали ва Буркина-Фасодаги ҳарбий маъмуриятлар билан муносабатларни кучайтирди.

Эслатиб ўтамиз, аввалроқ Африка давлати Буюк Британияни судга бергани ҳақида хабар берилганди. Руанда ҳукумати мигрантларини Британия қабул қилмагани учун айбланмоқда.