ПСЖ Мбаппе трансфери бўйича “Реал” билан боғланди
Спорт
−
13 Июнь 2023 6372
Франциянинг ПСЖ клуби Испаниянинг “Реал” клуби билан Килиан Мбаппе трансфери бўйича музокара олиб бормоқда. Бу ҳақда “PSJ Community” хабар берди.
Манбага кўра, ПСЖнинг қатарлик раҳбарияти ўтган ҳафта Мбаппенинг клуб билан шартномасини узайтирмаслик қароридан хабар топгач, Килианни сотиш фикрига келган.
ПСЖ Мбаппени текинга йўқотмоқчи эмас ва шу сабабли Франция клуби аллақачон “Реал” президенти Флорентино Перес билан ҳужумчини шу ёзда сотиш юзасидан боғланган. Мадрид клуби француз юлдузининг трансфери учун каттагина сумма сарфлашга тайёр. ПСЖ Мбаппени 200 миллион евродан камига қўйиб юбориш ниятида эмас.
24 ёшли Мбаппе ўтган мавсумда ПСЖнинг энг яхши тўпурари бўлди ва клуб билан Франция чемпионатида ғолиб бўлди.
Live
Барчаси
