Президент Японияда қайси соҳаларга оид келишувлар имзолаши маълум бўлди

Жамият 1296
image

Аввалроқ, Ўзбекистон Республикаси Президенти Шавкат Мирзиёев хорижий мамлакатлар билан эришилган келишувлар ижроси, янги инвестициявий ва ижтимоий-иқтисодий лойиҳалар муҳокамасига бағишланган йиғилиш ўтказгани ҳақида хабар берган эдик.

Йиғилишда жорий йил охирида Шавкат Мирзиёевнинг Японияга амалга оширадиган ташрифи бўйича маълумот берилди. Унга тайёргарлик доирасида Токио билан энергетика, транспорт, қишлоқ хўжалиги, хизмат кўрсатиш соҳаларига доир келишувларга эришилгани таъкидланди.

Шунингдек, кимёвий маҳсулотлар ишлаб чиқариш, япон технологиялари асосида электростанция қуриш, сув тозалаш ва сув таъминоти тизимини модернизация қилиш, шаҳар қатновига мўлжалланган электробуслар ишлаб чиқаришга оид лойиҳалар бўйича музокаралар олиб борилаётгани қайд этилди.

Ушбу олий даражадаги ташрифга тайёргарлик ҳамда Япония билан савдо-иқтисодий ва инвестициявий ҳамкорлик ҳолати бўйича маълумот берилди.

Суннатилла Абдуллаев
Мақолага баҳо беринг
Баҳолаганлар: 30
Рейтинг: 2.8
t
×
×