Президент Администрацияда тайинловлар амалга оширилди

Жамият

−

23 Ноябрь 2019 visibility9627

Ўзбекистон Республикаси Президентининг фармойишига мувофиқ Адлия вазирлиги ходимлари Президент Администрациясида масъул лавозимларга тайинланди. Бу ҳақда ЎзА хабар берди.

Адлия вазирлиги Давлат бошқаруви тизими самарадорлигини таҳлил қилиш бошқармаси бошлиғи ўринбосари Нодир Нурмухаммадович Усманов – Ўзбекистон Республикаси Президенти Администрациясининг Давлат мукофотлари ва геральдика шўъбаси етакчи инспектори лавозимига тайинланди.

Шунингдек, Адлия вазирлиги Ҳуқуқий тарғибот ва маърифат бошқармаси бошлиғининг ўринбосари Хаётжон Одилович Кличев – Ўзбекистон Республикаси Президенти Администрациясининг Ҳокимият вакиллик органлари ва сиёсий партиялар билан ҳамкорлик қилиш шўъбаси бош инспектори лавозимига тайинланди.