Песков “Time” журналига эътироз билдирди 

Олам 5937
image

Аввалроқ, “Time” журнали Украина Президенти Владимир Зеленскийни 2022 йилнинг энг нуфузли 100 кишиси рўйхатига киритгани ҳақида хабар бергандик. Зеленскийдан ташқари “Лидерлар” тоифасига Россия Президенти Владимир Путин ҳам киритилган. 

Россия Федерацияси Президентининг Матбуот котиби Дмитрий Песков ушбу ҳолатга изоҳ берди.  

“Биласизми, “Time” журнали тарихида бизнинг нуқтаи назаримиздан яхшироқ вақтлар бўлган. Ҳозир, албатта, барча нашрлар учун мана шу оғир даврда, инқироз даврида жуда ҳиссий ва профессионал тарзда яшаш қийин. Хўш, мен у ерда жуда кўп ғалати нарсалар борлигини айтган бўлардим, нима учун энг нуфузли сиёсатчи Барбадоснинг ҳурматли Бош вазири эканлиги мутлақо тушунарсиз. АҚШ Президенти, таъбир жоиз бўлса, Россия “маҳбуслари” билан бир қаторда, буни ҳам тушуниш қийин. Аммо, бу муҳаррирларнинг танлови бўлса керак”, деган Песков. 

Маълумот ўрнида, Зеленский учун кириш мақоласини АҚШ Президенти Жо Байден ёзган, Путин учун эса журнал мухолифатчи Алексей Навальнийга мақола тайёрлатган.

Рушана Султонова
Мақолага баҳо беринг
Баҳолаганлар: 325
Рейтинг: 3
Теглар
t
×