“У тарихда ўз изини қолдирди”. “Time” Байденнинг Зеленский ҳақидаги мақоласини эълон қилди

Олам 11538
image
-

“Time” журнали Украина Президенти Владимир Зеленскийни 2022 йилнинг энг нуфузли 100 кишиси рўйхатига киритди. Аввалроқ у журнал ўқувчилари орасида овоз бериш бўйича Илон Маск ва Борис Жонсонни ортда қолдириб, етакчига айланган эди. “Time” учун Зеленский ҳақидаги мақолани АҚШ Президенти Жо Байден ёзган, дея хабар бермоқда “Медуза”.

“Владимир Путин Украинага қарши шафқатсиз уруш бошлаганида ва украиналиклар уларнинг етакчисига муҳтож бўлганида, Владимир Зеленскийнинг “Президент шу ерда” деган сўзлари бутун дунёда янгради.

Зеленский сиймосида Украина халқи бутун мамлакат бўйлаб фуқаролар – дўкондорлар ва аскарлар, тикувчилар ва юк машиналари ҳайдовчилари – ўз уйлари ва озодликлари учун курашаётган жасорат ва матонатга лойиқ раҳбарни кўрдилар. Ҳар гал гаплашганимизда Президент Зеленскийнинг овозидан халқ олдидаги бурчига чуқур ишонадиган, бугунги қоронғу ва оғир дамда халқни бошқариш учун ҳар куни масъулиятни ўз зиммасига олган инсоннинг қатъиятини эшитаман.

Президент Зеленский мисолидан илҳомланган эркин дунё халқлари сўнгги пайтларда ҳар қачонгидан ҳам бирдам, қатъий ва мақсадлироқ бўлди. Америка Қўшма Штатлари ҳамда иттифоқчиларимиз кўмагида у тарихда ўз изини қолдирди ва бутун дунёга Украина бардош беришини ҳамда унинг халқи охир-оқибат ўзи орзу қилган демократик келажакка эришишини исботлади”, дея Жо Байденнинг сўзларини келтирган нашр.

Зеленскийдан ташқари “Лидерлар” тоифасига АҚШ Президенти Жо Байден, Россия Президенти Владимир Путин, Хитой раҳбари Си Цзиньпин, Европа комиссияси раиси Урсула фон дер Ляйен, Германия канцлери Олаф Шольц ва Украина Қуролли кучлари бош қўмондони Валерий Залужний кирди.

Камронбей Кенжаев

.
Мақолага баҳо беринг
Баҳолаганлар: 188
Рейтинг: 3
t
×