Пекин Вашингтон билан қарама-қаршиликдан қўрқмайди – Хитой 

Хитой Америка Қўшма Штатлари билан ҳамкорликни олқишлайди, лекин у билан қарама-қаршиликдан қўрқмайди. Қарама-қаршилик юзага келса, у “охиригача курашади”. Бу ҳақда Хитой Ташқи ишлар вазири Ван И маълум қилди. 

“Хитойнинг позицияси аниқ ва ўзгармас: агар мулоқот тенг бўлса, ҳамкорлик мамнуният билан қабул қилинади, лекин биз қарама-қаршиликдан ҳам қўрқмаймиз ва охиригача курашамиз”, деган Ван И ҳозирги халқаро вазият ва Хитой дипломатияси ҳақида ўтказилган анжуманда. 

Ван И ҳамкорлик ҳар икки томонга ҳам фойда келтиришини, қарама-қаршилик эса ҳаммага зарар етказишини таъкидлаган. Унинг сўзларига кўра, ўтган йили қарама-қаршиликнинг кучайиши АҚШнинг Хитой ва Хитой-АҚШ муносабатларига стратегик жиҳатдан нотўғри баҳо беришини яна бир бор намойиш этган. 

“Қўшма Штатлардаги баъзи одамлар бошқа мамлакатларнинг ривожланиш ҳуқуқига эга эканлигини тан олишни хоҳламайди, Хитой доимий равишда мустаҳкамланиб, ривожланиб бораётганини тан олишни хоҳламайди, Хитой ва Қўшма Штатлар ўз ҳуқуқларига эга бўлиши мумкинлигига рози бўлишни хоҳламайди”, дея қўшимча қилган у. 

Эслатиб ўтамиз, АҚШ Конгресси компаниялардан Шинжонда ишлаб чиқарилган ҳар қандай товарда мажбурий меҳнат қўлланилмаганини исботлашни талаб қиладиган қонунни маъқуллади.