Патрушев АҚШнинг поссовет ҳудудидаги биологик тажрибаларидан огоҳлантирди

Россия мунтазам равишда Ғарб давлатлари, биринчи навбатда, АҚШ томонидан поссовет ҳудудида ўтказилган хавфли биологик тажрибалар ҳақида маълумотларни олмоқда. Бу ҳақда Россия Хавфсизлик кенгаши котиби Николай Патрушев бугун, 8 ноябрь куни Москвада ўтаётган МДҲдаги мавқедошлари билан учрашувда сўз очган. 

“Украина контекстида мен биологик ҳимоя ва биохавфсизликни таъминлаш масаласига алоҳида эътибор қаратмоқчиман. Биз поссовет ҳудудида Ғарб давлатлари, биринчи навбатда америкаликлар томонидан ўтказилган хавфли экспериментлар ҳақида мунтазам равишда маълумот оламиз”, дейди у. 

Патрушевнинг таъкидлашича, гап биологик қуролларни тарқатмаслик бўйича мажбуриятларга, жумладан, бутун инсониятнинг мавжудлигига таҳдид соладиган воситалар ва технологияларни ишлаб чиқишга мос келмайдиган фаолият ҳақида бормоқда.  

“Биологик ҳужумлар симуляция қилинади ва сунъий интеллект ишлаб чиқишда иштирок этади”, дейди у. 

Хавфсизлик Кенгаши котибининг эслатишича, Россия бу саволларни халқаро форматларда, жумладан, Бирлашган Миллатлар Ташкилотида бир неча бор кўтарган, аммо Вашингтондан аниқ жавоблар бўлмаган.