Озарбайжон армиясининг Арманистон билан чегараси ва Қорабоғдаги позициялари ўққа тутилди – Баку

Арманистон Қуролли кучлари Озарбайжон армиясининг чегарадаги Калбажар вилоятидаги позицияларини ўққа тутди. Бу ҳақда Озарбайжон Мудофаа вазирлиги матбуот хизмати хабар берди.

“11 август куни соат 21:10 дан 21:30 гача Арманистон Қуролли Кучлари бўлинмалари Озарбайжон армиясининг Калбажар вилоятининг Бязирхон ва Зяйлик аҳоли пунктлари йўналишидаги позицияларини ўққа тутди”, дейилади хабарда.

Бундан ташқари, вазирлик маълумотларига кўра, бугун, 12 август куни эрталаб республика Қуролли кучларининг Агдам вилоятидаги позициялари ўққа тутилган. 

“12 август куни соат 07:43да Россия тинчликпарвар кучлари вақтинча жойлашган Озарбайжон ҳудудидаги ноқонуний арман қуролли тузилмалари Агдам йўналишидаги армиямиз позицияларини кичик масофадан ўққа тутди”, дейилади расмий Баку баёнотида.

Шунингдек, Мудофаа вазирлиги Озарбайжон бўлинмалари тегишли жавоб чораларини кўрганини қўшимча қилган.

Эслатиб ўтамиз, кеча, 11 август куни Арманистон БМТга Қорабоғдаги вазиятни муҳокама қилиш учун Хавфсизлик кенгашининг фавқулодда йиғилишини ўтказиш илтимоси билан мурожаат қилганди.