“Осиё болалари”: ўзбекистонлик дзюдочи ва курашчилар 10 та олтин медални ютди

Хабарингиз бор, Россия Федерациясининг Владивосток шаҳрида VII “Осиё болалари” спорт ўйинлари бўлиб ўтмоқда.

Бугун, 2 август куни дзюдо бўйича Ўзбекистон терма жамоаси баҳсларга киришди. Қайд этиш керакки, дзюдо баҳслари ҳам Ўзбекистон делегацияси учун омадли бўлди ва 5 та олтин медаль қўлга киритилди.

Дзюдо баҳсларида олтин медалларни ютган ўзбекистонлик спортчилар:

Лазиза Ҳайдарова (-40 кг),
Фарангиз Омонова (-44 кг),
Асадбек Мисиров (-46 кг),
Абдулазизхон Шарофиддинов (-50 кг),
Ғиёс Ражабов (-55 кг).

Шунингдек “Осиё болалари” спорт ўйинларининг бешинчи кунида ўзбекистонлик эркин курашчилар ҳам гиламга чиқишди. Ёш ўзбек курашчилари баҳслар якунига кўра, 5 та олтин ва 1 та бронза медалининг соҳибига айланди.

Ғолиб ва совриндор бўлган курашчилар:

олтин:

Шоҳруҳ Ёқубов (-38 кг),
Улуғбек Рашидов (-44 кг),
Санжарбек Анварбеков (-52 кг),
Дониёр Ибрагимов (-62 кг),
Умар Мўйдинов (-68кг).

бронза:

Фаррух Жуманазаров (-57 кг).

Аввалроқ, ўзбекистонлик аёл эркин курашчилар “Осиё болалари” спорт ўйинларида 6 та медални ютгани тўғрисида хабар берилганди.