“Осасуна”га қарши ўйиндан кейин “Барселона” жиддий йўқотишга учради
Спорт
−
28 Март 1923
“Барселона” ҳужумкор ярим ҳимоячиси Дани Ольмо “Осасуна”га қарши ўйинда жароҳат олди ва у 2 ҳафтани ўтказиб юборадиган бўлди. Бу ҳақда клуб матбуот хизмати хабар берди.
Манбага кўра, Ольмо жароҳати сабаб 2-3 та ўйинни ўтказиб юборади. Аммо у катта эҳтимол 10 апрелга ўтар кечаси бўлиб ўтадиган Европа Чемпионлар лигаси доирасидаги “Боруссия Дортмунд”га қарши учрашувга қадар майдонга қайтиши мумкин.
Маълумот ўрнида, 28 мартга ўтар кечаси Испания Ла Лигаси 27-турининг қолдирилган баҳсида “Барселона” ўз уйида “Осасуна”ни қабул қилиб, йирик 3:0 ҳисобида ғалаба қозонди. Шу тариқа, каталонияликлар Испания чемпионати турнир жадвалида 63 очко жамғарган ҳолда пешқадамликни қўлга олди. “Кўк-анорранглилар”дан кейинги ўринда Мадриднинг “Реал”и келмоқда. “Қироллик клуби” 60 очко тўплаган. “Атлетико Мадрид” 57 очко билан кучли учликка якун ясаган.
Live
Барчаси
