Oqtovda o‘z uyida qurol savdosini yo‘lga qo‘ygan shaxs qo‘lga olindi
Olam
−
26 Oktabr 2019 8158
Qurol-yaroq savdosi bilan shug‘ullanish o‘ta og‘ir jinoyatlar turiga kiradi. Dunyoning ko‘plab mamlakatlarida qurolfurushlarga nisbatan og‘ir jazo tayinlangan. Kecha, 25 oktyabr kuni Qozog‘istonda politsiya xodimlari Oqtov shahrida qurol va o‘q-dorilar sotuvchisini qo‘lga oldi. Bu haqda Tengrinews xabar bermoqda.
Mahalliy qurol sotuvchisining uyidan tintuv paytida 12 dona qurol va 1 ming 497 ta o‘q-dorilar olib qo‘yildi.
Ushbu fakt Qozog‘iston Respublikasi Jinoyat kodeksining 297-moddasi 3-qismiga binoan sudgacha tergovlarning yagona reyestrida qayd etildi. Erkak vaqtincha saqlash hibsxonasiga joylashtirilgan. Hozirda politsiya xodimlari surishtiruvni boshlagan.
Live
Barchasi
