Оғир касалликни енгиб ўтган спортчи 2 карра Европа чемпиони бўлди

Оғир апластик анемия касаллигини енгиб ўтган 21 ёшли эстониялик фигурали учувчи Нина Петрикина аёллар ўртасидаги яккалик баҳсларида кетма-кет иккинчи бор Европа чемпиони унвонини қўлга киритди. 

Петрикина Англиянинг Шеффилд шаҳрида бўлиб ўтган Европа чемпионатида қисқа дастурдан сўнг ишончли тарзда пешқадамликни қўлга олган ва 70,61 балл билан шахсий рекордини янгилаган.

У эркин дастурда ҳам хатоларга йўл қўймаган ва 145,53 балл тўплаган. Натижада эстониялик фигурали учувчи 216,14 балл билан умумий ҳисобда ҳам шахсий энг юқори натижасини қайд этган ва Европа чемпионлиги унвонини муваффақиятли ҳимоя қилган.

Маълумот учун, Нина Петрйкинага 2020 йилда оғир гематопоэтик касаллик – апластик анемия ташхиси қўйилган. Суяк илиги донори топилмагач, у спорт фаолиятини якунлаш ҳақида қарор чиқарган. Бироқ узоқ давом этган терапиядан сўнг касалликни енгиб, фигурали учишга қайтишга муваффақ бўлган. Нина Петрикина ҳозиргача Европа чемпионатида битта олтин, иккита кумуш ва битта бронза медалини қўлга киритган.