Беллингем Евро-2024'нинг энг чиройли голи муаллифи бўла олмади

Футбол бўйича Испания терма жамоаси ҳужумчиси Ламин Ямалнинг Франция дарвозасига киритган тўпи Евро-2024'нинг энг чиройли голи деб топилди. Бу ҳақда Европа футбол ассоциациялари иттифоқи (UEFA) матбуот хизмати хабар берди.

Ямалнинг голи эвазига Испания терма жамоасига французлар билан ярим финал учрашувида ҳисобни тенглаштирди ва якунда ўйин тизгинини “қизил фурия” томонига ўтишини таъминлади. Франция билан баҳсда Испания 2:1 ҳисобида зафар қучиб, мусобақа финалига йўл олганди. Футболчи жарима майдончаси ташқарисидан зарба берди, тўп устунга тегиб, кейин дарвозага кирди. Ямал Франция жамоасига қарши ўйинда Европа чемпионатида энг ёш гол муаллифига ҳам айланди. Форвард 16 ёшу 362 кунлигида қитъа биринчилигида гол уришга муваффақ бўлди.

Якунланган Европа чемпионатининг энг яхши учта голидан бири англиялик ярим ҳимоячи Жуд Беллингемнинг Словакия термаси билан 1/8 финал учрашувида киритган голи бўлди. Беллингемнинг қайчи услубида киритган голи инглизларга ўйинни қўшимча бўлимларга қадар давом эттириш ва якунда ғалабани ўз томонига оғдириш имконини берди. Турнирнинг энг яхши 3-голи деб швейцариялик футболчи Жердан Шакирининг гуруҳ босқичи 2-турида шотландларга (1:1) киритган аниқ зарбаси топилди.

Рейтинг UEFA техник кузатувчилари томонидан тузилган. Ҳаммаси бўлиб 10 та гол рейтингдан ўрин олган.

Маълумот учун, 14 июндан 14 июлга қадар Германияда бўлиб ўтган Европа чемпионати финалида Англия терма жамоасини мағлуб этган (2:1) Испания ғолиб бўлди.