Номаълум шахс Масжидул Ҳарамга машинада бостириб борди
Олам
−
31 Октябрь 2020 15434
Мусулмонлар учун муқаддас жой саналмиш Саудия Арабистонининг Макка шаҳридаги Кааба жойлашган Масжидул-Ҳарамга куч билан киришга уриниш бўлди.
Бир одам машинада катта тезликда келиб Каабага киришга уринди. Аммо масжид эшигидан ўта олмади.
Масжидул Ҳарам олдида юз берган ҳодисада жароҳатланган ва қурбон бўлганлар ҳақида маълумот берилмаган. Саудия полицияси бузғунчини қўлга олиб, унинг руҳий барқарорлиги бузилганини маълум қилган.
Қўлга олинган шахс нормал ҳолатда бўлмаган. Ҳозирда у прокуратурага топширилган.
Маълумот учун, Каабага қаратилган сўнгги ҳужум 2017 йил 27 октябрда юз берганди. Каабанинг ёнига бомба билан киришга уринган шахс хавфсизлик хизмати ходимлари томонидан тўхтатилгач, ўзини портлатганди. Ҳодисада 6 киши яраланган. Ҳодисага алоқадаор 5 киши ҳибсга олинган.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
